Така сарин 5-д Хальмг Таңһчин сән Өдр

Така сарин 5-д Хальмг Таңһчин сән Өдр

Така сарин 5-д Хальмг Таңһчин сән Өдр темдглнәвидн. Тиим шиидвриг 2019-ч җилин така сарин 9-д Хальмг Таңһчин Хуралын (Парламентин) депутатнр ирлцңгү закаг дууһан өгч батлв. Ода эн байрин өдр амрлһна болҗ тоолгдҗана, тернь бас парламентин шиидврәс йилһгдҗәнә.

Давсн 2020-ч җилд эн сән өдр Хальмг Таңһчин автономин җилин өөнлә, тер ик ончта болн тууҗлгч йовдлд нерәдсн байрин кесг керг-үүлдврлә ирлцв. Болв тиигхд эн сән өдрән бидн өргнәр темдглсн угавидн, яһад гихлә түгдг гем тарҗ йовла, эн җил чигн эн йовдл маднд харш болад бәәнә. Тиим болв чигн таңһчин өдрән бидн эрк биш темдглхвидн. Яһад эн өдриг шүүҗ авсмб гихлә эн өдрлә зун нег җил хооран Яшкулин районаЧилгр селәнд цуг хальмгудын чуулһн болсмн.

Туслң тер чуулһна элчнр «Күч-көлсч хальмг улсин зөвин декларациг» батлсмн. РСФСР-ин ханьд күч-көлсч хальмг улсин хамцу автономн муҗ тогталһн заргдҗала. Ончта өөнд нерәдәд хальмг тууҗин болн сойлын тускар соньн кесг номин шинҗллт дегтрмүд барлгдв. Әрәсән ханьд хальмг улсин автономь бүрдәлһиг мөңкрүлхин төлә Таңһчин Хуралын (Парламентин) закан батлгдла.

Така сарин 5-д темдглдг Таңһчин Өдрин туст седвәриг таңһчин Толһач Хаска Бату татсмн. Бату Сергеевичин келсәр, «Мана олн улсин кесг зун җилин үндстә авъясар болн ик зөөртә сойлар түшг кеҗ таңһчин делгрлтин хаалһд учрҗах боомтг-саалтгиг бидн уга кеҗ чадхвидн. Хальмг улс туурмҗта тууҗта, терүгәр бидн бахмҗ кех зөвтәвидн. Хальмг Таңһчин Өдр мана региона цуг иргнмүдиг хамцулдг өдр болҗ, мана төрскнә цецгәрлтд туслх», – гиҗ таңһчин Толһач олна байрин учр-утхинь цәәлһҗ келв.

Цуг мана улсиг таңһчин Өдрлә йөрәҗәнәвидн, өрк-бүлтәһән элгн-садтаһан цугтан сән-сәәхн бәәтн, мана таңһчин цецгәрлтд нилчән күргҗ йовтн. Хальмг Таңһчин олн улс менд бәәтхә!

«Хальмг Таңһчин байрин ѳдр»: видеообзор. Выступление Овьяновой В. В. – Заслуженного учителя РК, учителя калмыцкого языка и литературы МБОУ СОШ № 21; Ханиновой Р. М. – доктора филологических наук, заведующего отдела фольклора и литературы, ведущий научный сотрудник КНЦ Ран, поэт, прозаик, переводчик, драматург, член КРО Союза писателей России; Канкаева Э. П. – Заслуженного работника культуры РК, поэта, переводчика, драматурга, члена КРО Союза писателей РК; Коксадаева В. В. – поэта, члена КРО Союза писателей РК.

09:36
367
Нет комментариев. Ваш будет первым!
Мы используем cookie. Это позволяет нам анализировать взаимодействие посетителей с сайтом и делать его лучше.
Продолжая пользоваться сайтом, вы соглашаетесь с использованием файлов cookie.