8 (84722) 3-48-61, г. Элиста, ул. Пушкина, д.1, e-mail: sananlib@mail.ru
Режим работы: c 9-19 часов, сб-выходной. Воскресенье: с 10.00 до 18.00. Подробнее...

Əрәсән номин академин Хальмг номин цутхлӊгд - 80 җил

Əрәсән номин академин  Хальмг номин цутхлӊгд - 80 җил

Удл уга Əрәсән номин академин Хальмг номин цутхлӊг 80 җилин ѳѳнән темдглх. Эн мана таӊһчд гуманитарн халхар үүлдҗәх һанцхн номин учреждень. Олн җилин туршарт кеҗәх цутхлӊгин үүлдвр һанцхн мана таӊһчд биш, Əрәсәд, делкәд чигн темдгтә. Өвкнрин үлдәсн ик зѳѳр-кел, сойл, амн үгин билг, хальмг улсин тууҗ, литератур гүүнәр шинҗлҗ, тѳрскн таӊһчиннь делгрлтд ик нилчән күргҗәнә.

Хальмг АССР-ин СНК-н 565-ч тойгта тогтаврар 1941 җилин мѳчн сарин нег шинд институт тогтагдла. Тиигҗ олн халхин номин шинҗллтин ул республикд тәвгдлә. Болв, 1943 җилин декабрин 28-д институт бас цааҗла харһад үүлддгән уурв. Зуг таӊһчиг шинәс босхсна хѳѳн 1957 җил институт дәкнәс секгдв.

2000 җил институтын ул деер эврә аспирантур секгдв. «Тѳрскн һазрин тууҗ», «Əрәсән Федерацин улсин келн», «Европин, Азин, Африкин улсин, Америкин болн Австралин абиригенмүдин келн» гидг нерәдлһтә специальностяр әмтн дасна. 

Хальмг цутхлӊгд кесг номин әӊгүд бәәнә: археологин, этнологин болн антропологин, тууҗин, моӊһл келн шинҗллһнә, литератур болн амн үгин билг шинҗллһнә, П.Э. Алексеевин нертә ном шинҗллһнә дегтрин саӊ болн нань чигн. 54 номин кѳдләч олн зүсн халхар шинҗллт кеҗәнә, тер тоод номин 8 доктор болн 31 кандидат.

Цутхлӊгин номтнр нарт делкән, Əрәсән болн таӊһчин номин конференцст, симпозиумст болн талдан чигн керг-үүлдврмүдт орлцҗ, ик чинртә тѳрмүдәр кесн шинҗллтсән олн әмтнә оньгт тусхана. Эдн нарта делкән алтаистическ конференцин, нарт делкән монголоведмүдин ассоциацин кѳдлмшт, нарт делкән тибетологудын семинармудт шунмһаһар орлцна. РАН-а цутхлӊгин һардвр, номтнр олн зүсн халхар номин конференцс бүрдәҗ сән седвәр татна. Дорд үзгин номин учрежденьслә, Моӊһл, Китд, Японь, Венгрь, Германь, США, Финляндь, Польш, Чехий орн-нутгудын номтнрла бат залһлда бәрҗ үүлднә. 

Əрәсән номин академин Хальмг номин цутхлӊгин ончта ѳѳнин байрнь сән-сәәхн болтха, номин халхин үүлдврнь күцәмҗтә болн олн әмтнд ик туста болтха гиҗ әрүн седкләсн дурдҗанавидн. 

482
RSS
Нет комментариев. Ваш будет первым!
Загрузка...